काठमाडौँ । राष्ट्रपति रामचन्द्र पौडेलले आज संघीय संसद्को संयुक्त बैठकमा नीति तथा कार्यक्रम प्रस्तुत गरे । उक्त कार्यक्रममा राष्ट्रपतिलाई स्वागत गर्न नपुगेका प्रधानमन्त्री बालेन शाह राष्ट्रपतिले नीति, कार्यक्रम वाचन गरिरहँदा बीचैमा निस्किए ।

प्रधानमन्त्री त्यसरी बीचैमा निस्किएको विषयमा विपक्षी दलहरुले कडा आपत्ति पनि जनाए ।

प्रधानमन्त्रीको सचिवालयले यही विषयमा स्पष्टीकरण दिएको छ । सचिवालयले प्रधानमन्त्रीको स्वास्थ्यमा असहजता देखिएकोले नीति तथा कार्यक्रम प्रस्तुत भइरहँदा बाहिरिनुपरेको बताएको छ ।

‘सम्माननीय प्रधानमन्त्रीज्यूलाई स्वास्थ्यमा असहजता देखिएकाले नीति तथा कार्यक्रम प्रस्तुतिको क्रममा केही समयका लागि विश्राम लिनु भएको थियो,’ सचिवालयले भनेको छ, ‘त्यसपछि उहाँ पुनः कार्यक्रममा सहभागी हुनु भएको हो । उहाँको स्वास्थ्य अवस्था सामान्य रहेको जानकारी गराइन्छ।’