काठमाडौं- अमेरिकी र इरानी अधिकारीहरूबीच उच्चस्तरीय शान्ति वार्ताको तयारी भइरहँदा इरानको विदेश मन्त्रालयले निकै भावुक तस्बिर सार्वजनिक गरेको छ ।

इरानी संसदका सभामुख मोहम्मद बघेर कलिबाफ र विदेशमन्त्री सइद अब्बास अराघची अमेरिकासँग शान्ति वार्ता गर्न पाकिस्तानको राजधानी इस्लामावाद पुगेका छन् ।

विदेश मन्त्रालयले उनीहरू सवार विमानको सिटमा गत फेब्रुअरी २८ मा इरानको मिनाबस्थित एउटा विद्यालयमा भएको हमलामा ज्यान गुमाउने छात्राहरूका तस्बिर राखिएको भावुक दृश्य सार्वजनिक गरेको हो ।

विमानका सिटमा बालबालिकाका रगतले लतपतिएका स्कुल ब्याग र जुत्ता हरू पनि सजाएर राखिएको देखिन्छ । विमानभित्र कलिबाफ र अराघचीले शीर झुकाएर ती विद्यार्थीप्रति श्रद्धाञ्जली व्यक्त गरेको देख्न सकिन्छ ।