काठमाडौँ– अमेरिका र इरानबीच जारी करिब ६ हप्ता लामो युद्ध अन्त्यका लागि इरानी र अमेरिकी उच्च अधिकारीहरुको टोली पाकिस्तानको इस्लामाबाद पुगेको छ ।

उच्च स्तरीय शान्ति वार्ताका लागि इरानको तर्फबाट संसद्का सभामुख मोहम्मद बागेर गालिबाफ र विदेशमन्त्री अब्बास अराघची इस्लामाबाद पुगेका छन् ।

इरानी सरकारी सञ्चारमाध्यमहरूले आफ्ना प्रतिनिधिहरू वार्ता स्थल पुगिसकेको पुष्टि गरेको बीबीसीले जनाएको छ ।

उता, अमेरिकी उपराष्ट्रपति जेडी भान्स नेतृत्वको टोली पनि इस्लामाबाद पुगेकाे छ । इरानपछि अमेरिकाका वार्ताकारहरू इस्लामाबाद पुगेका हुन्।

अमेरिकी राष्ट्रपति डोनाल्ड ट्रम्पले वार्ताका लागि प्रस्थान गरेको अमेरिकी टोलीलाई सफलताको शुभकामना दिएका छन् । टोलीको नेतृत्व गरेका उपराष्ट्रपति भान्सले सञ्चारकर्मीहरूसँग कुरा गर्दै आफू वार्ताका लागि उत्साहित रहेको बताए ।