काठमाडौं- बुधबार केही घण्टाको अन्तरालमा होर्मुजको जलडमरुमध्यमा रहेका तीन जहाजमा हमला भएको छ । होर्मुजको जलडमरुमध्यमा रहेको एउटा बल्क क्यारियरमा अज्ञात अस्त्रबाट हमला भएको बेलायती समुद्री सुरक्षा निकायले जानकारी दिएको छ । यस जहाज दुबईबाट ५० समुद्री माइलको दूरीमा रहेको अमेरिकी टेलिभिजन सीएनएनले जनाएको छ ।

लायती समुद्री व्यापार निकाय यूकेएमटीओका अनुसार आक्रमणका बावजुद जहाज र कर्मचारी सुरक्षित छन् भने यसबाट कुनै वातावरणीय क्षति पुगेको छैन । त्यसैगरी, बुधबार नै ओमानको मुसानडाम प्रायद्विपनजिकै कार्गो जहाजमा आक्रमण भएको छ ।

प्रायद्विपबाट ११ समुद्री माइलको दुरीमा रहेको जहाजमा हमलापछि आगलागी भएको यूकेएमटीओले उल्लेख गरेको छ । त्यसैगरी, बुधबार नै यूएईको तटपारी रहेको अर्को जहाजमा पनि हमला भएको सीएनएनले समाचार लेखेको छ । आक्रमणपछि उक्त जहाज पनि क्षतिग्रस्त भएको जनाइएको छ ।

अमेरिका र इजरायलले इरानमाथि हमला गरेपछि पश्चिम एशियामा शुरु भएको युद्धका क्रममा होर्मुजको जलडमरुमध्यमा हालसम्म १३ वटा जहाजमा हमला भइसकेको छ । इरानले उक्त जलक्षेत्र भएर आवतजावत नगर्न जहाजलाई चेतावनी दिएको छ ।

हाल विश्व ऊर्जा परिवहनका लागि सबैभन्दा महत्वपूर्ण मानिएको सो क्षेत्रमा जहाजको आवतजावत ठप्प छ । जसका कारण विश्व बजारमा तेल सङ्कट निम्तिने जोखिम बढेर गएको छ ।