काठमाडौं– मध्यपूर्वमा तनाव थप चुलिएको छ। इरानको इस्लामिक क्रान्तिकारी गार्ड कोर (आईआरजीसी) ले कतार, कुवेत र इराकमा रहेका अमेरिकी सैन्य ठेगानामाथि मिसाइल हमला गरेको दाबी गरेको छ।

आईआरजीसीले सामाजिक सञ्जाल एक्समा जारी वक्तव्यमा कतारको अल उदेइद एयर बेस, कुवेतको क्याम्पआरिफजान र इराकको हरिर एयर बेसलाई निशाना बनाइएको जनाएको छ।

इरानको सरकारी समाचार एजेन्सी इरान स्टुडेन्टस न्युज एजेन्सीका अनुसार यो ‘ठूलो स्तरमा गरिएको हमला’ हो। रिपोर्टमा यस क्रममा क्षेत्रमा तैनाथ अमेरिकी नौसेनाको  युनाइटेड स्टेट फिप्थ फ्लीटलाई पनि निशाना बनाइएको उल्लेख गरिएको छ।

आईआरजीसीले यस कारबाहीबाट अमेरिकी सेनाको अपरेशनल संरचनामा क्षति पुगेको दाबी गरेको छ। तर यी हमलाबारे अमेरिकी अधिकारीहरूको तर्फबाट हालसम्म कुनै आधिकारिक प्रतिक्रिया आएको छैन।