काठमाडौं- नेपाली कांग्रेसको विशेष महाधिवेशन स्थलमा संस्थापन पक्षका नेताहरू पनि उपस्थित भएका छन् । संस्थापन पक्ष शेरबहादुर देउवा निकट नेता रहेका पूर्वउपसभापति गोपालमान श्रेष्ठ कार्यक्रम स्थलमा पुगेका छन् ।

यस्तै देउवानिकट रहेका संस्थापन पक्षकै नेता केन्द्रीय सदस्य तारामान गुरुङ, चिनकाजी श्रेष्ठ, पुष्पा भुसाल, महालक्ष्मी उपाध्याय डिना संग्रौला, कर्ण मल्ल अर्जुन जोशी तारानाथ रानाभाट लगायतका नेताहरू महाधिवेशन स्थल पुगेका छन्।

नेपाली कांग्रेसको दोस्रो विधान महाधिवेशनमा संस्थापन पक्षका नेताहरूले बहिष्कार गरेको अवस्थामा यी नेताहरू पुगेका हुन् । विशेष महाधिवेशनमा थुप्रै पूर्वपदाधिकारी लगायतका नेताहरूको पनि उपस्थिति देखिँदैन ।