काठमाडौं– नेपाली कांग्रेसको विशेष महाधिवेशनमा गगन थापा महाधिवेशन स्थल पुगेका छन् । थापा महाधिवेशन स्थल पुगेपछि गगनदाई हाईहाई गगनदाई जिन्दाबाद लगायतका नाराहरू गुन्जिएका छन् । 

थापा महाधिवेशन स्थल पुगे पनि अर्का महामन्त्री विश्वप्रकाश शर्मा भने महाधिवेशन स्थल पुगेका छैनन् । आयोजकले अर्का महामन्त्री शर्मा बाटोमै रहेको सूचना गरिरहेको छ । 

आयोजकले दुवै जना महामन्त्री कार्यक्रम स्थलमा पुगेपछि कार्यक्रमको औपचारिक उद्घाटन हुने बताएका छन् । 

पार्टीमा संस्थापन पक्ष र संस्थापन इतरको विवादबीच भएको यो विशेष महाधिवेशनलाई नेपाली जनताले चासोका साथ हेरेका छन् कसै कसैले विशेष महाधिवेशनपछि पार्टी नै विभाजन हुने समेत आकलन गरेका छन्  ।

विशेष महाधिवेशनमा महाधिवेशन प्रतिनिधिहरूलाई भने कुर्सीमा राखिएको छ तर नेताहरू बस्नका लागि बस्ने आसनको मात्रै व्यवस्था गरिएको छ ।