काठमाडौं– गत भदौ १० गते रसुवा भोटेकोशीमा आएको बाढीका कारण त्रिशूली ३ ‘ए’ जलविद्युत आयोजनाको सुरुङभित्र फसेपछि १० दिनमा उद्धार गरिका सञ्जय साह वीरेन्द्र सैनिक अस्पतालबाट शुक्रबार डिस्चार्ज भएका छन्।

विनाशकारी बाढीपछि सुरुङमा फसेको १०औं दिनमा उनी र कवीर महर्जनलाई उद्धार गरी उपचारका लागि छाउनीस्थित वीरेन्द्र सैनिक अस्पतालमामा राखिएको थियो । 

उपचारपछि उनी शुक्रबार डिस्चार्ज भएको सैनिक प्रवक्ता एवम् सहायक रथी राजाराम बस्नेतले बताएका छन् । अस्पतालमा भर्ना भएको ७ दिनपछि निको भएर उनी सप्तरीस्थत घर गएका हुन् । 

उक्त आयोजनाका मेकानिकल फोरम्यान उनी र सुपरभाइजर कवीरलाई सुरुङबाट नेपाली सेना र सशस्त्र प्रहरी बल, नेपाल प्रहरी र अन्य उद्धारकर्मीले सकुशल उद्धार गरेका थिए। 

उक्त सुरुङबाट उनीसँगै कवीर महर्जनलाई पनि उद्धार गरिएको थियो । साह कोइलाडी गाउँपालिका-८, सप्तरी निवासी हुन् । उता महर्जन ललितपुरको बालकुमारी निवासी हुन् ।