काठमाडौं- भोटेकोशी बाढीबाट प्रभावितको स्वास्थ्य उपचार तथा आवश्यक स्वास्थ्य सामग्री व्यवस्थापनका लागि युएसभी फार्मास्युटिकल्सले १ करोड ५० लाख सहयोग गर्ने भएको छ।
बिहीबार काठमाडौँमा आयोजित कार्यक्रममा नेपाल चिकित्सक सङ्घका अध्यक्ष डा. बद्री रिजाल र युएसभी फार्मास्युटिकल्सका प्रमुख व्यापार अधिकृत महिदवाज सिसोडियाबीच सहयोगसम्बन्धी सम्झौतापत्रमा हस्ताक्षर भएको हो।
सम्झौताअनुसार बाढीबाट प्रभावित परिवारका लागि आवश्यक स्वास्थ्य सामग्रीको विवरण नेपाल चिकित्सक सङ्घले तयार गरी उपलब्ध गराउनेछ।
उक्त विवरणका आधारमा युएसभी फार्मास्युटिकल्सले आवश्यक स्वास्थ्य सामग्री खरिद गरी प्रभावित परिवारलाई उपलब्ध गराउनेछ।
प्रतिक्रिया