काठमाडौं- काठमाडौँको भृकुटीमण्डपमा आजदेखि ‘नाइमा मोबिलिटी एक्स्पो–२०२६’ सुरु भएको छ । एक्सपोमा विभिन्न ब्राण्डका नयाँ मोडलका सवारीसाधन सार्वजनिक गरिनुका साथै बिक्री तथा बुकिङका लागि स्टल राखिएका छन् ।

साउन ३१ गतेसम्म सञ्चालन हुने एक्सपोमा स्कुटर, कारदेखि बससम्मका विभिन्न प्रकारका सवारीसाधन प्रदर्शनीमा राखिएका छन् । सहभागी कम्पनीहरूले आफ्ना नयाँ तथा आकर्षक मोडलका सवारीसाधन प्रदर्शनीमा राखेका छन् ।

एक्सपोमा सवारीसाधनका नयाँ प्रविधि, विशेषता तथा सुविधाबारे जानकारी लिन सकिने आयोजकले जनाएको छ । साथै, ग्राहकले आफूलाई आवश्यक सवारीसाधन अवलोकन गरी खरिद तथा बुकिङ गर्न सक्ने व्यवस्था गरिएको छ ।

एक्सपोले नेपाली अटोमोबाइल बजारमा भित्रिएका नयाँ प्रविधि र सवारीसाधनबारे उपभोक्तालाई प्रत्यक्ष जानकारी दिने तथा व्यवसायी र ग्राहकबीचको सम्बन्ध विस्तार गर्ने अपेक्षा गरिएको छ ।