काठमाडौं– गृहमन्त्री सुधन गुरुङले संसदमा विपक्षीप्रति आक्रोशित हुँदै आफूले धेरै सहेको बताएका छन् ।

‘धेरै भयो मैले सहेको, यो सम्मानित सदनलाई एउटा रेस्पेक्टेड भिउबाट हेर्नुपर्छ, आफूले बोल्दाखेरि एउटा मर्यादा राखेर बोल्नुपर्छ, तर, घोट्कन भइसक्यो’, उनले भने, ‘गाह्रो हुन्छ कहिले कहिले तपाईंले यसरी हेर्दा के ।’ उनले पुराना दलको गल्तीबाट आफूहरूले सिक्नुपर्नेमा अहिलेको अवस्था देख्नुपरेको पनि बताए ।

‘आफ्नो देश राम्रो होला भनेर हामीहरू सबै युवाहरू एउटा आशाले लडेका थियौँ, आज आएर विपक्षी दलका साथीहरू जतिजना मित्र हुनुहुन्छ, जतिजना राजनीतिज्ञहरू हुनुहुन्छ, ५० औँ वर्ष राज गरेका माननीयज्युहरूबाट हामीले सिक्नुपर्नेमा आज हामीले यस्तो कुरा देख्न पाइरहेका छौँ’, उनले भने ।