काठमाडौं– राष्ट्रिय स्वतन्त्र पार्टीका सांसद रञ्जु दर्शनाले सरकारले सुकुम्वासीप्रति गरेको व्यवहारमा असहमत जनाउँदै भावुक स्टाटस लेखेकी छन् । 

उनले आफूले दूध चुसाइरहेकी सुत्केरी आमा, सुत्केरी वृद्ध बा आमाहरूलाई पनि एकै व्यवहार नगरियोस् भनेर पटक पटक संसदमा आवाज उठाएको तर, सरकारले ठिक नगरेको बताएकी छन् ।

‘हिजो सुकुम्बासी व्यवस्थापनको विषयमा ‘१०० दिने कार्यसूचीको’ बुँदा ९१ भन्दा अघि ९२ अघि सारियो । दूध चुसाई रहेकी आमा, सुत्केरी, वृद्ध बा आमाहरूलाई पनि एकै व्यवहार नगरियोस् भनेर सदनमा पटक पटक आवाज राखेँ। सम्बन्धित निकाय पनि निवेदन गरेँ। यो काम चाहिँ सरकारको तर्फ बाट ठिक ढङ्गले भएन’ दर्शनाले लेखेकी छन् ।

साथै, दर्शनाले गणेश नेपाली आफैँलाई जलाउने बिन्दुसम्म किन पुगे भन्ने खोजिनुपर्ने र सो खोजबाट सरकारले आफ्नो काममा प्रेरणा लिनुपर्ने बताएकी छन् ।

‘एक गणेशले त भौतिक रूपमै आफूलाई जलाए तर दैनिक ‘मैले सकिन, मरौँ कि क्या हो’ भन्ने सोच आउने लाखौँ युवाको लागि जीवन केही भएपनि सहज हुने नीति सरकारबाट चाहिन्छ’, दर्शनाले लेखेकी छन् ।

यस्तो छ उनको स्ट्याटस