काठमाडौं– श्रम संस्कृति पार्टीका अध्यक्ष हर्क साम्पाङले प्रधानमन्त्री बालेन्द्र शाहले लिखित दस्ताबेज प्रतिनिधिसभामा पठाएर अरु मन्त्रीले वाचन गर्दा आफूहरू मान्ने बताएका छन् । 

जेठ १७ गते प्रतिनिधिसभामा बोल्दै प्रधानमन्त्री बालेन्द्र शाहले नेपालले पनि भारतको भूभाग मिचेको छ भन्ने शब्दमा विपक्षीले निरन्तर सदन अवरोध गरिरहेका छन् । 

आज ११ बजेका लागि बोलाइएको संसद् बैठक विपक्षीले अडान राखेपछि २ बजेका लागि सारिएको थियो । 

अहिले सुरु भएको बैठकमा हर्कले बोल्ने क्रममा भने, ‘परराष्ट्रमन्त्रीज्यूले दिएको जवाफमा हामी मान्दैनौँ बरु प्रधानमन्त्रीले लिखित रुपमा साइन गरेर जवाफ पठाउनुहोस् र उहाँले वाचन गरिदिनुहोस् । त्यसलाई हामी स्विकार्न सक्छौँ ।’

हर्कले भने,’एउटाले गल्ती गर्छ अर्कोले सच्याइदिनुपर्ने भन्ने हिसाबले गयो भने न्यायोचित हुँदैन भन्ने मलाई लाग्छ । संविधान असफल के हाम्रो कानुन असफल हो हामी असफल कि हाम्रो सदन असफल हो ? व्यवहार असफल कि सोच यहाँ सफल हो कसैले विधि नमान्ने ।’

हर्कले कविताको हरफ जस्तै बनाएर  प्रधानमन्त्रीलाई व्यङ्ग्य समेत प्रहार गरिरहेका छन् ।