काठमाडौं- उपत्यका ट्राफिक प्रहरी कार्यालयले चोरी गरिएका ६५ वटा दुई पांग्रे सवारी साधन फेला पारेर सम्बन्धित धनीलाई फिर्ता गरेको छ।
चोरिएका सवारी साधन भेटिदिएकोमा धनीहरूले खादा लगाएर ट्राफिक प्रहरीलाई धन्यवाद दिएका छन् ।
आइतबार एक समारोहबीच ट्राफिक प्रहरीले काठमाडौंका विभिन्न स्थानबाट चोरी भएका सवारी फेला पारेर सम्बन्धित धनीलाई हस्तान्तरण गरिएको हो।
अर्कातिर काठमाडौं उपत्यका ट्राफिक प्रहरी कार्यालयले ३१ वटा सवारी चालक अनुमति पत्र निलम्बन अघि बढाएको छ।
पटक–पटक कारबाही गरेका ३१ वटा सवारी चालक अनुमतिपत्र निलम्बनका लागि यातायात व्यवस्था विभागमा सिफारिस गरेको एमएसपी नवराज अधिकारीले जानकारी दिए।
तस्बिरहरू : नेपाल फोटो लाइब्रेरी
प्रतिक्रिया