काठमाडौँ– इंग्लिस प्रिमियर लिग फुटबलमा म्यानचेस्टर सिटीले सहज जित हात पारेको छ । गएराति भएको खेलमा ब्रेन्टफोर्डलाई ३–० गोलले पराजित गर्दै उपाधि दौडको आशा जिवितै राखेको छ ।
एतिहाद स्टेडियममा भएको खेलमा सिटीका जेरेमी डोकुले खेलको ६०औँ मिनेटमा सुरुवाती गोल गरेका थिए ।
यस्तै, ७५औँ मिनेटमा एर्लिङ हालान्डले गोल गर्दै टोलीलाई २–० गोलको अग्रता दिलाए ।
यसैगरी, इन्जुरी समयमा ओमार मार्मुशले गोल गरेसँगै म्यानचेस्टर सिटी ३–० गोलले विजयी भयो ।
यो जितसँगै ३५ खेलबाट म्यानचेस्टर सिटी ७४ अंकसहित दोस्रो स्थानमा रहेको छ । ५१ अंक जोडेको ब्रेन्टफोर्ड आठौँ स्थानमा । यस्तै, जारी लिगमा समान खेल खेलेको आर्सनल ७६ अंकका साथ शीर्ष स्थानमा छ ।
प्रतिक्रिया