काठमाडौं – डा. कपिल रिजालको निर्देशनमा बनेको फिल्म ‘गौँथली’ले बक्स अफिसमा तहल्का पिटेको छ । सुरुवाती २४ दिनमै ‘गौँथली’ सर्वाधिक व्यापार गर्ने चौथो बनेको छ ।

चलचित्र विकास बोर्डका अनुसार साउन १ देखि २४ गतेसम्म यो फिल्मले १९ करोड ७१ लाख ग्रस कलेक्सन गरेको छ । उक्त ग्रस कलेक्सन लागि सात लाख १५ हजार वटा टिकट खरिद-बिक्री भएको छ ।

सामाजिक कथामा बनेको यो फिल्मले बक्स अफिसमा तहल्का पिटेर ब्ल्कबस्टरको बनेको छ ।

ग्रस कलेक्सनमा यो फिल्म ‘१२ गाउँ’, ‘कबड्डी ४’ र ‘पूर्णबहादुरको सारङ्गी’भन्दा पछि छ । ‘१२ गाउँ’लाई यसले केही दिनमै उछिन्ने देखिन्छ ।

अब २२ लाख ग्रस कलेक्सन थपेको अवस्थामा ‘गौँथली’ले ‘१२ गाउँ’लाई उछिन्छ ।

‘कबड्डी ४’को ग्रस कलेक्सन भने २१ करोड छ ।

‘गौँथली’को नायक अरुण क्षेत्री र नायिका सिम्रन खड्का हुन् । डा. भोला रिजालको कृतिमा आधारित रहेर यो फिल्म बनेको हो ।