काठमाडौं– पछिल्लो २४ घण्टामा देशभर ३१ वटा विपद्का घटना भएका छन् । ती घटनामा परी ३ जनाको मृत्यु भएको छ भने १ जना घाइते भएका छन् ।

राष्ट्रिय विपद् जोखिम न्यूनीकरण तथा व्यवस्थापन प्राधिकरणले सार्वजनिक गरेको दैनिक बुलेटिनअनुसार आगलागीका ५, पहिरोका ८, सर्पदंशका १, बाढीका ३, जनावर आक्रमणका २, चट्याङका १ तथा अविरल वर्षासम्बन्धी ४ घटना गरी विभिन्न प्रकृतिका विपद्का घटना भएका हुन् ।

विपद्का घटनाबाट ८ जिल्लाका नागरिक प्रभावित भएका छन् । घटनामा ३ जनाको ज्यान गएको छ भने १ जना घाइते भएका छन् । यी घटनाबाट करिब ३९ लाख रुपैयाँ बराबरको आर्थिक क्षति भएको अनुमान गरिएको छ । साथै, घटनाको व्यवस्थापन तथा उद्धारका लागि नेपाल प्रहरीका १९५ जना सुरक्षाकर्मी परिचालन गरिएको बुलेटिनमा उल्लेख छ ।

प्राधिकरणले मनसुन सक्रिय रहेकाले पहिरो, बाढी, चट्याङ तथा सर्पदंशजस्ता विपद्का जोखिमबाट सतर्क रहन सर्वसाधारणलाई आग्रह गरेको छ ।