काठमाडौं- सुधन गुरुङ र महावीर पुनले मन्त्रीको शपथ लिने गरी राष्ट्रपतिको कार्यालय शीतल निवासमा आयोजित कार्यक्रममा पानी बाधक बनेको छ

अपराह्न साढे ४ बजेका लागि तय गरिएको शपथ कार्यक्रमलाई पानीले बाधा गरिदिएको हो ।

काठमाडौं उपत्यकामा ठूलो पानी परेपछि दुईजनाको शपथ कार्यक्रम केही प्रभावित भएको छ । शपथमा आउने पाहुनालाई शीतल निवासको चौरमा टेन्ट टाँगेर बस्ने ठाउँ बनाइएको छ। तर ठूलो पानी परेकाले शपथ कार्यक्रम प्रभावित हुन पुगेको हो ।

वालेन्द्र शाह नेतृत्वको सरकारले बनाएको छानबिन समितिले दिएको प्रतिवेदन अध्ययन नै नगरी उनलाई गृहमा फर्काउन लागिएको छ ।

अच्युतम् भण्डारी नेतृत्वको छानबिन समितिले बुझाएको प्रतिवेदन मंगलबार मात्रै मन्त्रिपरिषद्मा पुगेको छ। तर उक्त प्रतिवेदन अध्ययन नै नगरी वालेन्द्रले सुधनलाई गृहमा फर्काउने निर्णय लिएका हुन् ।

यस्तै विज्ञान तथा नवप्रवर्द्धन मन्त्रालयको जिम्मेवारी स्वतन्त्र सांसद महावीर पुनले पाउने भएका छन् । उनी पनि शपथका लागि शीतल निवास पुगिसकेका छन् । सुशीला कार्की नेतृत्वको अन्तरिम सरकारमा उनी शिक्षा मन्त्री थिए ।