काठमाडौँ- परराष्ट्रमन्त्री शिशिर खनालले भूतपूर्व ब्रिटिश गोर्खा सैनिकहरूका लामो समयदेखि सम्बोधन हुन नसकेका मागहरूको शीघ्र समाधानका लागि बेलायत सरकारसँग आग्रह गरेका छन् ।

मन्त्री खनालले मंगलबार सामाजिक सञ्जाल फेसबुकमार्फत् जानकारी दिँदै बेलायतका रक्षामन्त्री जोन हेल्ली भेटेरन तथा जनमन्त्री लुइस स्यान्डर-जोन्ससँ भर्चुअल बैठक भएको बताएका छन् ।

बैठकमा भूपू ब्रिटिश गोर्खाहरूका विभिन्न माग, विशेषगरी समानुपातिक पेन्सनको विषयमा केन्द्रित भएर छलफल भएको उनले उल्लेख गरेका छन् ।

नेपाल–बेलायत सम्बन्धमा गोर्खा सैनिकहरूको ऐतिहासिक तथा महत्वपूर्ण योगदानलाई स्मरण गर्दै मन्त्री खनालले न्याय, निष्पक्षता र सम्मानका आधारमा ती मुद्दा सम्बोधन गर्न तथा सकेसम्म चाँडो पारस्परिक सहमतिमा समाधान खोज्न बेलायत सरकारसँग आग्रह गरेको बताएका छन् ।

भूपू गोर्खाहरूले लामो समयदेखि समान कामका लागि समान पेन्सन र सेवा–सुविधाको माग गर्दै आएका छन्। नेपाल र बेलायतबीच यस विषयमा विभिन्न चरणमा वार्ता हुँदै आएको छ।