काठमाडौं – ललितपुर जिल्ला कार्य समितिका सभापति जितेन्द्र कुमार श्रेष्ठले बुधबार जारी विज्ञप्तिप्रति नेपाली कांग्रेसले आपत्ति जनाएको छ।

कांग्रेस केन्द्रिय कार्यालयले २८–३१ मा आयोजना हुने केन्द्रिय महाधिवेशनको तालिका सार्वजनिक भइसकेको अवस्थामा उक्त विज्ञप्ति जारी गरिनु आपत्तिजनक रहेको बताएको छ । 

पार्टी प्रवक्ता सन्तोष राज केसीका अनुसार, उक्त विज्ञप्ति एकल निर्णयमा र पदाधिकारी तथा जिल्ला कार्य समिति सदस्यसँग छलफलविना जारी गरिएको अवैधानिक कदम भएको छ। 

उनले सम्पूर्ण महासमिति, महाधिवेशन तथा पार्टीका भातृ संगठन र शुभेच्छुक संस्थालाई भ्रममा नपर्न आग्रह गर्दै, केन्द्रिय कार्यसमितिको निर्णय अनुसार महाधिवेशन सफल पार्न आह्वान गरेका छन्।

साथै, प्रवक्ताले फागुन २१ गते हुने प्रतिनिधि सभा निर्वाचनमा पनि पार्टीका उम्मेदवारलाई विजयी गराउन सम्पूर्ण कार्यकर्ताहरू सक्रिय भएर सहभागी हुन अनुरोध गरेका छन्।