काठमाडौं – नेपाली नायक प्रमोद अग्रहरीको डेब्यू बंगलादेशी फिल्म ‘शार्क’को टिजर सार्वजनिक भएको छ ।
सामाजिक सञ्जालमा बिहीबार बेलुका सार्वजनिक टिजर प्रमोद केन्द्रित रहेको छ ।
टिजरले फिल्म एक्सन जनरामा बनेको प्रष्ट पार्छ । जहाँ समुद्रको किनारमा गुण्डाहरुसँग प्रमोदले फाइट सुरु गरेको देखाइएको छ ।
बंगाली भाषामा यो फिल्मको नाम ‘हाङ्गोर’ हो भने अंग्रेजीमा ‘शार्क’ हो ।
यो फिल्मका लागि प्रमोदले शरीरलाई सुगठित बनाएको देख्न सकिन्छ ।
उनी नेपाली फिल्मका पनि स्टार र लोकप्रिय कलाकार हुन् । उनी नायक र खलनायक दुवै चरित्रका लागि फिट कलाकार हुन् ।
उनले अभिनय गरेको पछिल्लो नेपाली फिल्म ‘पिताम्बर’ हो । उनी सन् २०१३ देखि नेपाली फिल्ममा सक्रिय छन् ।
प्रमोदले ‘शार्क’ नेपालमा प्रदर्शन हुने वा नहुनेबारे कुनै जानकारी दिएका छैनन् ।
शार्कको टिजर :
प्रतिक्रिया