काठमाडौं– जेन–जी आन्दोलनका सहिदहरूको अनुहारसँग सालिक नमिलेपछि ललितपुरको सातदोबाटोस्थित स्विमिङ पुल कम्प्लेक्स परिसरमा निर्माण गरिएका ४५ जना सहिदको सालिक अनावरण कार्यक्रम स्थगित भएको छ ।
सालिक सहिदहरूको वास्तविक अनुहारसँग नमिलेको भन्दै परिवारले अनुहार नसच्याएसम्म अनावरण गर्न नदिने अडान लिएपछि कार्यक्रम रोकिएको हो ।
सालिक अनावरणका लागि कार्यक्रममा सहभागी हुन पुगेका गृहमन्त्री सुधन गुरुङ पनि अनावरण नगरी फर्किएका छन् ।
परिवारका सदस्यहरूले सहिदको पहिचान र सम्मानसँग जोडिएको विषय भएकाले सालिकको अनुहार सच्याएर मात्रै अनावरण गर्नुपर्ने माग गरेका छन् ।
ललितपुरको सातदोबाटोस्थित स्विमिङ पुल कम्प्लेक्समा रहेको पार्कमा जेन–जी आन्दोलनका क्रममा ज्यान गुमाएका ४५ सहिदको सालिक निर्माण गरिएको थियो ।
तस्बिर : सुर्याम्स उप्रेती/नेपाल फोटो लाइब्रेरी
प्रतिक्रिया