मोरङ– विराटनगर महानगरपालिका-१८ भेडीयारीबाट अवैध लागूऔषध गाँजा ६ किलो १ सय ३० ग्राम सहित भारत सुपौल गनौरा थाना बस्ने ४१ वर्षीय शिवधर यादवलाई बुधबार बिहान प्रहरीले पक्राउ गरेको छ ।
अस्थायी प्रहरी पोष्ट भेडीयारीबाट खटिएको प्रहरीले विराटनगरबाट भेडीयारीतर्फ जाँदै गरेको २ जना सवार बीआर ५० एएल ३६८७ नम्बरको मोटरसाइकललाई जाँच गर्न खोज्दा मोटरसाइकल छाडी भाग्ने क्रममा मोटरसाइकलमा सवार मध्ये शिवधरलाई नियन्त्रणमा लिई तलासी गर्दा उनको साथमा रहेको झोलाबाट उक्त गाँजा फेला परेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।
प्रतिक्रिया