काठमाडौं- संसद्मा प्रधानमन्त्री वालेन्द्र शाह उपस्थित हुनुपर्ने माग राख्दै विपक्षी दलहरू गरेको अवरोध नहट्ने भएको छ।

प्रधानमन्त्री नआएसम्म प्रतिनिधिसभा बैठकमा अवरोध कायम राख्ने अडान विपक्षी दलले राखेका छन् ।

यदि प्रधानमन्त्री उपस्थित भएर जवाफ दिएमा संसद् खोल्न सकिने कुरा राष्ट्रिय स्वतन्त्र पार्टीका सभापति रवि लामिछानेले राखेको बैठकमा गरेको एमालेले जनाएको छ ।

एमाले प्रमुख सचेतक ऐन महरका अनुसार लामिछानेले बोलाएको सर्वदलीय बैठकमा आफूहरूले प्रधानमन्त्री सदनमा आएर जवाफ नदिएसम्म अवरोध कायम राख्ने जानकारी गराएको दाबी गरे ।

सभापति लामिछानेले प्रधानमन्त्री सदनमा उपस्थित भएर जवाफ नदिने बरू आवश्यक परे आफूले जवाफ दिने बताउँदा पनि विपक्षी मानेनन् ।

उनीहरूले प्रधानमन्त्री नै आएर जवाफ दिनुपर्ने अडान कायम राखेका हुन्। महरका अनुसार सभापति रविले प्रधानमन्त्री सदन आएर जवाफ दिने कुनै तयारी नभएको समेत जानकारी गराएका थिए।

प्रधानमन्त्री शाहले लामिछाने भारत भ्रमण निस्किनुअगाडि जेठ १७ गते नेपालले पनि भारतको भूमि मिचेको छ भनेर सदनबाट अभिव्यक्ति दिएका थिए।

त्यही अभिव्यक्तिलाई विपक्षीले राष्ट्रघाती भनेका छन्। उनको भनाइ देशको स्वाधीनता र सर्वसत्ताविपरीत रहेको भन्दै विपक्षीले निरन्तर प्रतिनिधि सभामा अवरोध गरिरहेका छन् ।

प्रतिनिधिसभा अवरोध भएपछि भारतबाट फर्किएर रविले सर्वदलीय बैठक राखेका हुन्। तर बैठकमा पनि विपक्षीले प्रधानमन्त्रीको जिम्मेवारपूर्ण जवाफ नआएसम्म अवरोध कायम राख्ने सूचना गराएको महरको भनाइ छ ।