काठमाडौं – बिक्की अग्रवालको ‘कमेडी दरबार’ तेस्रो सिजनमा आइपुग्दा जज प्यानल र कलाकारमा केही परिवर्तन भएको छ ।

निर्देशक र शोका होस्ट समेत रहेका अग्रवालका अनुसार शो थप आकर्षक र रोमाञ्जक बनाउन केही परिवर्तन गरिएको हो । सिजन २ का जजहरू मनोज गजुरेल र गौरी मल्लले निरन्तरता पाएका छन् ।

जज प्यानलमा नायिका दिया मास्केको प्रवेश भएको छ । उनी ‘रानी’ बनेर शोमा प्रवेश गर्ने भएकी हुन् ।

त्यस्तै, कलाकारहरूमा सिजन २ का उत्सव सापकोटा र हिमेश पन्त बाहिरिएका छन् । तर, तीन जना कलाकारको प्रवेश भएको छ ।

यही प्रकृतिको शो कमेडी नाइट्स विथ च्याम्पियनका कलाकार सन्तोष थापा दरबारमा आएका छन् । त्यस्तै, युवा पुस्तामाझ चर्चित स्ट्यान्डप कमेडियन सुजन जिम्बाको पनि प्रवेश भएको छ । कलाकार दिनेश काफ्लेलाई पनि दरबारले लिएको छ ।

सिजन २ का अन्य कलाकारहरूले निरन्तरता पाएका छन् ।