काठमाडौं- प्रतिनिधिसभा निर्वाचन २०८२ अन्तर्गत समानुपातिकतर्फको मतगणना धमाधम चलिरहेको छ ।

समानुपातिकतर्फ कूल ५१ लाख १२ हजार ९० मत गणना भइसकेको निर्वाचन आयोगले जनाएको छ।

ताजा विवरणअनुसार राष्ट्रिय स्वतन्त्र पार्टी सबैभन्दा बढी मतसहित अग्रस्थानमा रहेको छ। रास्वपाले २५ लाख २० हजार ८१० मत प्राप्त गरिसकेको छ।

दोस्रो स्थानमा रहेको नेपाली कांग्रेसले ८ लाख ४९ हजार १३१ मत प्राप्त गरेको छ । उता नेपाल कम्युनिस्ट पार्टी एमालेले ७ लाख २७ हजार ७७४ मतसहित तेस्रो स्थानमा छ।

यस्तै नेकपाले ३ लाख ४७ हजार ३८४ मत प्राप्त गरेको छ।

अन्य दलमध्ये राष्ट्रिय प्रजातन्त्र पार्टीले १ लाख ८२ हजार ६४८ मत प्राप्त गरेको छ । उता हर्क साम्पाङ नेतृत्वको श्रम संस्कृति पार्टीले १ लाख २६ हजार १९० मत पाएको छ।