काठमाडौं- निजी लगानी संस्था कुवाद्रिया क्यापिटलले बढ्दो आय र स्वास्थ्य सेवा पहुँचमा विस्तारका कारण भारतमा यस क्षेत्रमा लगानीको राम्रो वातावरण बन्दै गएको जनाएको छ । उक्त कम्पनीका दक्षिण एशिया प्रमुख सुनिल ठाकुरले भारतमा अझै स्वास्थ्य सेवाको आवश्यकता अझै अपूरो रहेको जनाएका छन् ।

क्रय क्षमता र पहुँचको अभावको मिश्रणले यस्तो अवस्था निम्तिएको उनको भनाइ छ । यद्यपि भारतीय जनताको आम्दानी बढेको छ । अमेरिकी लगानी व्यवस्थापक फ्राङ्कलिन टेम्पलटनका अनुसार सन् २०१० देखि २०२४ सम्म भारतीय नागरिकको प्रतिव्यक्ति आम्दानी दोब्बर भएर २ हजार ७ सय २९ पुगेको छ । सन् २०३१ सम्म यो बढेर ५ हजार २ सय ४२ सम्म पुग्ने अपेक्षा गरिएको छ ।

ठाकुरका अनुसार बढ्दो आम्दानी र सरकारले अघि सारेको बीमा कार्यक्रमले क्रय क्षमता र पहुँच बढाएको छ । ‘हामीले स्वास्थ्य सेवा पूर्वाधार ठूलो जनसङ्ख्यामाझ पुग्ने देख्न थालेका छौँ ।’ उनले भने ।

उनका अनुसार अहिले भारतका शहरी जनसङ्ख्या स्वास्थ्य सेवाप्रति बढी चनाखो हुन थालेका छन् । यद्यपि साना र मध्यम तहका शहरी क्षेत्रमा गुणस्तरीय स्वास्थ्य सेवाको पहुँच बढिरहेको छ ।

यसै कारण निजी लगानीकर्ताहरु भारतको स्वास्थ्य सेवातर्फ आकर्षित हुन थालेको जापानबाट प्रकाशित हुने निक्के एशियाले जनाएको छ ।