काठमाडौं – आईसीसी टी–२० विश्वकपअन्तर्गत इंग्ल्याण्डसँग भएको प्रतिस्पर्धात्मक खेलमा नेपाल ४ रनले पराजित भएपछि प्रधानमन्त्री शुशिला कार्कीले नेपाली राष्ट्रिय क्रिकेट टोलीको प्रदर्शनको प्रशंसा गरेका छन्।

सामाजिक सञ्जालमार्फत प्रतिक्रिया दिँदै प्रधानमन्त्री कार्कीले खेलमा जित–हार स्वाभाविक भएको उल्लेख गरेकी छन् । उनले नेपाली टोलीले देखाएको संघर्ष र प्रदर्शन प्रशंसनीय रहेको बताएकी छन् । उनले अझै पनि नेपाली टोलीबाट राम्रो नतिजाको अपेक्षा गर्न सकिने विश्वास व्यक्त गरिन् ।

प्रधानमन्त्री कार्कीले आफ्नो स्टाटसमा लेखेका छन्, ‘जित–हार खेलको नियम हो। हामीले कसरी खेल्यौँ, त्यो महत्त्वपूर्ण हो। आज नेपाली टोलीको प्रदर्शन तारिफयोग्य छ। आशा अझै बाँकी छ।’

नेपालले इंग्ल्याण्डसँगको खेलमा अन्तिम ओभरसम्म संघर्ष गरेको थियो, तर लक्ष्य भेट्न नसक्दा ४ रनले हार बेहोर्नुपर्‍यो। तथापि, खेलमा देखाएको प्रतिस्पर्धात्मक प्रदर्शनले नेपाली टोलीको सम्भावना अझै जीवित रहेको संकेत गरेको विश्लेषण गरिएको छ।