काठमाडौं– आईसीसी टी २० विश्वकप अन्तर्गत आफ्नो पहिलो खेलमा नेपालले आइतबार इङग्ल्याण्डको सामना गर्दैछ ।

भारतको मुम्बईस्थित वानखेडे रंगशालामा हुने खेलमा इङ्ग्ल्याण्डले टस जितेको छ ।

टस जितेर इङ्ग्ल्याण्डका कप्तान ह्यारी ब्रुकले पहिले ब्याटिङ गर्ने निर्णय गरेका छन् । यससँगै नेपालले पहिले फिल्डिङ गर्नेछ ।

नेपालको प्लेइङ ११ मा कुशल भुर्तेल, आसिफ शेख, रोहित पौडेल, दीपेन्द्रसिंह ऐरी, आरिफ शेख, लोकेश बम, गुल्शन झा, करण केसी, शेर मल्ल, नन्दन यादव र सन्दीप लामिछाने छन् ।

त्यस्तै इङग्ल्याण्डको प्लेइङ ११ मा फिल साल्ट, जस बट्लर, ज्याकब बेथेल, टम ब्यान्टन, ह्यारी ब्रुक, विल ज्याक्स, साम करान, लियाम डसन, आदिल राशिद, जोफ्रा आर्चर र लुक वूड छन् ।

नेपालले आज इङग्ल्याण्डसँग खेल्दै विश्वकपको सुरुवात गर्न लागेको हो । नेपाल विश्वकपमा समूह ‘सी’ मा छ । यो समूहमा नेपालसहित दुई पटकको विश्व विजेता वेस्ट इन्डिज, एक पटकको विजेता इङग्ल्याण्ड, स्कटल्यान्ड र इटाली छन् ।