काठमाडौं– सरकारले काठमाडौं उपत्यकाका नदी किनार लगायत क्षेत्रमा सरकारी जग्गा अतिक्रमण गरी बसेका मानिसहरूलाई हटाएर घर टहरामा डोजर चलाएपछि ती क्षेत्र अहिले उजाड बनेका छन् । 

ती ठाउँमा बसेका मानिसहरूलाई होल्डिङ सेन्टरमा राखिएको छ। भग्नावशेष बनेका ठाउँमा अहिले कवाडी संकलन गर्नेहरूको चहलपहल छ । 

सरकारले उपत्यकाकै दर्जनौँ सुकुम्वासी बस्ती भन्काइदिएपछि कवाड व्यवसायीका लागि अवसर बनेको हो । उनीहरू सुकुम्वासी बस्तीमा पुगेर धमाधम कवाडी बटुल्नमा व्यस्त छन् । 

उनीहरूका लागि उजाड सुकुम्वासी बस्ती आम्दानीको स्रोत बनेको छ । गत शनिबार टेकुस्थित वंशीघाट क्षेत्रमा रहेको सुकुम्वासी बस्ती हटाएपछि अहिले त्यहाँ  पनि कवाडी संकलन गर्नेहरूको चहलपहल बढेको छ । 

भत्काइएका घरटहराबाट जस्तापाता, फलाम तथा विभिन्न धातुजन्य सामग्री संकलन गर्न बिहानैदेखि कवाडी व्यवसायी पुग्ने गरेका छन् । 

तस्बिरहरू : नेपाल फोटो लाइब्रेरी