काठमडौं– वैशाख गतेदेखि चैत २४ गतेसम्म देशभर भएका विभिन्न विपद्का ७ हजार ५ सय ४७ घटनामा १४० जनाको मृत्यु भएको छ भने ३६ जना बेपत्ता भएका छन् । विपद्का कारण १ हजार ९ सय ६५ जना घाइते भएका छन् भने कुल १४ हजार ३ सय ५५ परिवार प्रभावित भएका छन् ।

राष्ट्रिय विपद् जोखिम न्यूनीकरण तथा व्यवस्थापन प्राधिकरणले सार्वजनिक गरेको विवरणअनुसार सबैभन्दा बढी प्रभाव बाढी र पहिरोबाट परेको छ । बाढीका ३३६ घटनामा ३१ जनाको मृत्यु, २७ जना बेपत्ता र १५ जना घाइते भएका छन् भने ३ हजार ३०५ परिवार प्रभावित भएका छन् । 

त्यसैगरी, पहिरोका ६३१ घटनामा ६७ जनाको मृत्यु, ५ जना बेपत्ता र ३२ जना घाइते भएका छन् । पहिरोबाट १२ हजार ५६६ परिवार प्रभावित भएका छन् । 

चट्याङका ५७६ घटनामा ३४ जनाको मृत्यु र १० जना घाइते भएका छन् । आगलागीका १ हजार ५६२ घटनामा १०५ जनाको मृत्यु, ६ जना घाइते र ५ हजार ३६५ परिवार प्रभावित भएका छन् । वन डढेलोका ३२८ घटनामा २ जनाको मृत्यु र ३ जना घाइते भएका छन् ।

यस्तै, हावाहुरीका ३७७ घटनामा १३ जना घाइते भएका छन् भने ३ हजार ७६५ परिवार प्रभावित भएका छन् । जनावर आक्रमणका ५०३ घटनामा ५ जनाको मृत्यु, १ जना बेपत्ता र ३६४ जना घाइते भएका छन्। साथै, उच्च लेक लाग्ने (हाई एल्टिच्युड) का १९१ घटनामा ३६ जना घाइते भएका छन् ।

हिमपातका ५ घटनामा ४ जना घाइते भएका छन् भने सडक दुर्घटनाबाहेक अन्य विविध घटनामा पनि मानवीय क्षति भएको तथ्यांकमा उल्लेख छ ।