काठमाडौं – आम जनता पाटीका नेता ऋषि धमलाले रौतहट–४ बाट विजयी भएका गणेश प्रसाद पौडेललाई बधाई दिएका छन् ।

रौतहट–४ बाटमा पराजित भएका धमलाले सामाजिक सञ्जालमार्फत पौडेललाई बधाइसहित सफल कार्यकालको शुभकामना व्यक्त हुन् ।

उनले निर्वाचनमा आफूलाई माया, विश्वास र साथ दिएका सबै मतदाता तथा सहयोगीप्रति आभार व्यक्त गरेका छन् । मतदाताको विश्वास केवल चुनावको विषय नभई गहिरो सम्बन्ध र भरोसाको प्रतीक भएको धमालाको भनाइ छ ।

उनले भने, “परिणाम जे भए पनि, यहाँका जनतासँग मेरो सम्बन्ध कहिल्यै समाप्त हुने छैन। म सधैं तपाईंहरूकै बीचमा रहनेछु-जनताको आवाज सुन्दै, समस्या बुझ्दै, र विकास तथा सकारात्मक परिवर्तनका लागि निरन्तर काम गर्दै।”