काभ्रेपलाञ्चो– लगातार विजयी भइरहे पनि आफूलाई चुनौती दिएको भन्दै नेकपा एमालेका अध्यक्ष केपी शर्मा ओलीले नेता गोकुल बास्कोटालाई टिकट नदिएको काभ्रेपलाञ्चोक क्षेत्र नम्बर २ मा राष्ट्रिय स्वतन्त्र पार्टी विजयी भएको छ।

प्रतिनिधिसभा निर्वाचन २०८२ अन्तर्गत काभ्रेपलाञ्चोक क्षेत्र नम्बर २ मा राष्ट्रिय स्वतन्त्र पार्टीका उम्मेदवार बदनकुमार भण्डारी भारी मतान्तरसहित विजयी भएका छन्।

उनले ५३ हजार ३४४ मत प्राप्त गरे । भण्डारीले नेपाली कांग्रेसका मधु प्रसाद आचार्यलाई ३५,४७६ मतको फरकले पराजित गरे।

यहाँ धुलिखेल नगरपालिकाको प्रमुखबाट राजीनामा गर्न लगाएर ओलीले टिकट दिएका अशोककुमार ब्याञ्जु श्रेष्ठ तेस्रो स्थानमा समेटिएका छन् । उनले १३ हजार ९४० मत मात्रै पाएका छन् ।

अन्य उम्मेदवारहरू

• नेकपा (एमाले) का अशोक कुमार ब्याञ्जु श्रेष्ठ: १३,९४० मत
• नेपाली कम्युनिष्ट पार्टीकी बसुन्धरा हुमागाईं: ८,१०७ मत
• उज्यालो नेपाल पार्टीकी ज्योत्सना सैजु: ३,७४९ मत