झापा- झापा क्षेत्र नम्बर ५ मा राष्ट्रिय स्वतन्त्र पार्टीका वरिष्ठ नेता बालेन्द्र शाहको विजय निश्चित भएको छ । गणना हुन बाँकी मतभन्दा मतान्तर धेरै देखिएपछि शाहको जित निश्चित भएको हो ।

निर्वाचनको पछिल्लो मतपरिणाम अनुसार बालेन्द्र शाहले ५२ हजार ९६ मत प्राप्त गर्दा उनका निकटतम प्रतिद्वन्द्वी नेकपा एमालेका अध्यक्ष केपी शर्मा ओलीले १४ हजार ३१ मत मात्र प्राप्त गरेका छन् । हालसम्मको गणना अनुसार शाह र ओलीबीचको मतान्तर ३८ हजार ३५ रहेको छ ।

अब गणना हुन बाँकी मत २४ हजार २५४ मात्र रहेकोले, यदि ती सबै मत ओलीको पक्षमा गए पनि बालेन्द्र शाहलाई उछिन्न असम्भव देखिएको छ । यस गणितीय अवस्थाले गर्दा झापा-५ बाट बालेन्द्र शाह विजयी भएको औपचारिक घोषणा हुन मात्र बाँकी रहेको देखिन्छ ।