काठमाडौं- भारत र खाडी सहयोग संगठन जीसीसीबीच खुला व्यापार सम्झौता हुने भएको छ । खुला व्यापार सम्झौताबारे वार्ताका लागि जीसीसी र भारतले प्रारम्भीक सर्त टुङ्ग्याएको समाचार संस्था रोयटर्सले जनाएको छ ।
भारतका व्यापारमन्त्री पियूष गोयलले यसबारे जानकारी दिएको रोयटर्सले उल्लेख गरेको छ । जीसीसीमा साउदी अरब, संयुक्त अरब इमिरेट्स, कतार, बहराइन, ओमन र कुवेत गरी छ मुलुक सदस्य छन् ।
पछिल्लो समय भारत र खाडी क्षेत्रका मुलुकबीच सहकार्य थप विस्तार हुँदै गएको जनाइएको छ ।
खाडी क्षेत्रमा भारतीय मूलका लाखौँ मानिसहरु श्रम तथा व्यापार गरिरहेका छन् ।
त्यसैगरी, भारतमा पनि खाडी क्षेत्रका मुलुकले ठूलो लगानी गरेका छन् ।
प्रतिक्रिया