मकवानपुर- मकवानपुरको हेटौंडा उपमहानगरपालिका–१५ स्थित सामुदायिक वन क्षेत्रमा बोराभित्र हालेर फ्याँकेको अवस्थामा महिलाको शव भेटिएको छ।
जिल्ला प्रहरी कार्यालय मकवानपुरका अनुसार शुक्रबार दिउँसो सवा १ बजे सेल्फी रोडस्थित सामुदायिक वनमा सेतो बोराभित्र बाँधेर खाल्डोमा फालिएको अवस्थामा महिलाको शव भेटिएको हो ।
इलाका प्रहरी कार्यालय पशुपतिनगरबाट खटिएको टोली घटनास्थलमा पुगेर ती महिलाको शव निकालेको छ। शवको पहिचान खुल्न बाँकी रहेको छ । घटनाबारे थप अनुसन्धान भइरहेको जिल्ला प्रहरी कार्यालय मकवानपुरले जनाएको छ।
प्रतिक्रिया