काठमाडौं– अर्जेन्टिना फुटबल संघ (एएफए) ले फिफा अध्यक्ष जियानी इन्फान्टिनोलाई पूर्ण समर्थन जनाएको छ।

एएफएले शुक्रबार राति सार्वजनिक गरेको आधिकारिक विज्ञप्तिमा इन्फान्टिनोले पछिल्लो १० वर्षमा फिफाको नेतृत्व गर्दै गरेको कामको उच्च प्रशंसा गर्दै उनको नेतृत्वप्रति पूर्ण समर्थन र सम्मान व्यक्त गरेको हो।

विज्ञप्तिमा भनिएको छ, ‘फिफा अध्यक्षका रूपमा जियानी इन्फान्टिनोले पछिल्लो १० वर्षमा गरेका कामप्रति हाम्रो पूर्ण समर्थन र सम्मान छ।’

उक्त विज्ञप्तिमा अर्जेन्टिना फुटबल संघका अध्यक्ष क्लाउडियो ‘चिकी’ तापियाको हस्ताक्षर रहेको छ।

एएफएको यो सार्वजनिक समर्थनलाई इन्फान्टिनोको नेतृत्वप्रति विश्व फुटबलका प्रभावशाली सदस्य राष्ट्रमध्ये एक अर्जेन्टिनाले देखाएको स्पष्ट विश्वासका रूपमा हेरिएको छ।