जेरुसेलम- गाजाको प्रशासनिक जिम्मेवारी पाएको प्यालेस्टिनी प्राविधिक समितिले गाजामा रहेका सबै हतियार आफ्नो नियन्त्रणमा लिनुपर्ने प्रस्ताव अमेरिकी राष्ट्रपति डोनाल्ड ट्रम्पद्वारा घोषणा गरिएको शान्ति समितिले गरेको छ।

यो प्रस्ताव हमासले गाजामा सञ्चालन गर्दै आएको आफ्नो प्रशासनिक निकाय भङ्ग गरेको केही समयपछि सार्वजनिक भएको हो।

शान्ति समितिले सोमबार सामाजिक सञ्जाल एक्समार्फत जारी गरेको वक्तव्यमा ‘एक अधिकार, एक कानुन र एक हतियार’को सिद्धान्तलाई कार्यान्वयन गर्नुपर्ने उल्लेख गरेको छ। समितिका अनुसार गाजाका सबै हतियार गाजा प्रशासन राष्ट्रिय समिति (एनसीएजी) को नियन्त्रणमा केन्द्रित गरिनुपर्छ।

अमेरिकी राष्ट्रपति ट्रम्पले सन् २०२५ अक्टोबरमा गाजा युद्धविरामको मध्यस्थता गरेपछि स्थापना गरेको शान्ति समितिले गठन गरेको गाजा प्रशासन राष्ट्रिय समितिले हाल कायरोमा रहेर काम गर्दै आएको छ ।