काठमाडौँ – फिफा विश्वकपको नकआउट चरण (अन्तिम १६) को एक रोमाञ्चक खेलमा १० खेलाडीमा सीमित इङ्गल्यान्डले मेक्सिकोविरुद्ध ३–२ को अग्रता बनाएको छ । ६९औँ मिनेटको खेल जारी रहँदा १० खेलाडीमा सीमित इङ्गल्यान्डले खेलमा आफ्नो बलियो पकड कायम राखेको हो ।

खेलको पहिलो हाफ निकै प्रतिस्पर्धात्मक र रोमाञ्चक रह्यो । खेलको ३६औँ मिनेटमा बुकायो साकाको पासमा जुड बेलिङघमले गोल गर्दै इङ्गल्यान्डलाई सुरुवाती अग्रता दिलाएका थिए । त्यसको दुई मिनेट नबित्दै (३८औँ मिनेटमा) कप्तान ह्यारी केनको पासलाई सदुपयोग गर्दै बेलिङघमले व्यक्तिगत दोस्रो गोल गरेपछि इङ्गल्यान्ड २–० ले अघि बढ्यो ।

तर, पहिलो हाफ सकिनुअघि मेक्सिकोले खेलमा फर्कने संकेत देखायो । ४२औँ मिनेटमा जे. क्विनोनेसले गोल गर्दै खेललाई २–१ को स्थितिमा ल्याए ।

दोस्रो हाफमा इङ्गल्यान्डलाई ठूलो धक्का लाग्यो । खेलको ५४औँ मिनेटमा जे. क्वान्साले रातो कार्ड पाउँदै मैदान छाडेपछि इङ्गल्यान्ड १० खेलाडीमा सीमित हुन पुग्यो । खेलमा मेक्सिको हाबी हुने अनुमान गरिए पनि १० खेलाडीको इङ्गल्यान्डले उत्कृष्ट पुनरागमन गर्‍यो ।

खेलको ६०औँ मिनेटमा इङ्गल्यान्डले पेनाल्टीको अवसर पायो, जसमा कप्तान ह्यारी केनले कुनै गल्ती नगरी गोल गर्दै टोलीको अग्रता ३–१ मा पुर्‍याए ।

रेफ्रीले ६७ मिनेटमा इंग्ल्यान्डका कप्तान केनले फल गरेको भन्दै मेक्सिकोका लागि पेनाल्टी दिए । उक्त पेनाल्टी गोलसँगै खेल ३–२ अन्तरमा चलिरहेको छ । दुई पेनाल्टी र एक रातोकार्डले यो खेल निकै उतारचढावपूर्ण रहँदै आएको छ।