तेहरान- अमेरिका र इरानबीच ४५ दिनको युद्धविरामबारे अन्तिम चरणको वार्ता भइरहेको छ। मध्यस्थता गरिरहेका देशहरूको प्रयास जारी रहे पनि आगामी ४८ घण्टा निर्णायक मानिएको छ।

एक्सियोसका अनुसार युद्धविराम प्रस्ताव दुई चरणमा हुनेछ। पहिलो चरणमा ४५ दिनको युद्धविराम लागू गरी स्थायी शान्ति सम्झौताका लागि वार्ता गरिनेछ।

यसैबीच अमेरिका र इजरायलले इरानका कम्तीमा १२ शहरमा आक्रमण गरेका छन्, जसमा राजधानी तेहरान पनि समावेश छ।

उक्त आक्रमणका क्रममा कोममा ५ जनाको मृत्यु भएको छ भने कोङ्ग सिटीमा ६ जनाको ज्यान गएको । त्यहाँ १७ जना घाइते भएका छन्।

चीन-रसिया सक्रिय

उता इरान युद्धका विषयमा चीनका विदेशमन्त्री वाङ यी र रूसका विदेशमन्त्री सर्गेई लावरोव बीच टेलिफोन वार्ता भएको छ।

चीनले होर्मुज जलडमरूमध्ये क्षेत्रमा बढ्दो तनाव अन्त्य गर्न युद्ध रोक्दै तत्काल युद्धविराम लागू गर्नुपर्ने बताएको छ।