काठमाडौं- सर्लाही निर्वाचन क्षेत्र नम्बर ४ को पछिल्लो मतगणना परिणाम अनुसार राष्ट्रिय स्वतन्त्र पार्टी (रास्वपा) का उम्मेदवार अमरेशकुमार सिंहले सुरुवाती अग्रता लिएका छन् । प्राप्त पछिल्लो विवरण अनुसार सिंहले २ हजार ८ सय ४७ मत प्राप्त गर्दै आफ्ना निकटतम प्रतिस्पर्धीलाई १ हजार १ सय ३३ मतान्तरले पछाडि पारेका हुन् ।

उनलाई नेपाली कांग्रेसका उम्मेदवार गगन कुमार थापाले पछ्याइरहेका छन् । थापाले हालसम्म १ हजार ७ सय १४ मत प्राप्त गरेका छन्।

यसैगरी, नेकपा एमालेका उम्मेदवार अमनिशकुमार यादव ४ सय १० मतका साथ तेस्रो स्थानमा रहेका छन् । यस क्षेत्रमा पूर्व नेपाली कांग्रेसका प्रभावशाली नेता अमरेशकुमार सिंह र कांग्रेसकै राष्ट्रिय स्तरका नेता गगन थापाबीचको प्रतिस्पर्धालाई निकै चासोका साथ हेरिएको छ । अहिले मतगणना कार्य जारी छ र थप मतपेटिकाहरू गन्ने क्रम चलिरहेको छ ।