काठमाडौं- धनकुटाको पछिल्लो मतगणना परिणाम अनुसार श्रमसंस्कृति पार्टीले अग्रता लिएको छ। मुख्य निर्वाचन अधिकृतको कार्यालयले सार्वजनिक गरेको विवरण अनुसार श्रमसंस्कृतिका उम्मेदवार सानबहादुर राईले १ हजार ५ सय ९० मत प्राप्त गर्दै पहिलो स्थान कायम गरेका हुन्।

उनलाई नेकपा एमालेका उम्मेदवार राजेन्द्रकुमार राईले १ हजार ४० मतका साथ पछ्याइरहेका छन्। त्यस्तै, नेपाली कांग्रेसका उम्मेदवार दिनेश राई ७ सय ३४ मतसहित तेस्रो स्थानमा रहेका छन्।

राष्ट्रिय स्वतन्त्र पार्टी (रास्वपा) का उम्मेदवार दिनेश राईले भने हालसम्म १ सय ४४ मत प्राप्त गरेका छन्। धनकुटामा परम्परागत शक्तिहरूलाई चुनौती दिँदै श्रमसंस्कृति पार्टीले सुरुवाती चरणमै बलियो उपस्थिति जनाएपछि चुनावी प्रतिस्पर्धा निकै रोचक बनेको छ। अहिले मतगणना कार्य जारी छ र थप परिणाम आउने क्रममा छ।