काठमाडौं- झापा निर्वाचन क्षेत्र नम्बर ३ को प्रारम्भिक मतगणनामा राष्ट्रिय स्वतन्त्र पार्टी (रास्वपा) का उम्मेदवार प्रकाश पाठकले अग्रता लिएका छन् । प्राप्त पछिल्लो विवरण अनुसार पाठक २ हजार २ सय ८१ मतका साथ पहिलो स्थानमा रहेका छन्।

उनलाई राष्ट्रिय प्रजातन्त्र पार्टी (राप्रपा) का अध्यक्ष एवं उम्मेदवार राजेन्द्र लिङ्देनले पछ्याइरहेका छन् । लिङ्देनले हालसम्म १ हजार ६ सय १० मत प्राप्त गरेका छन्।

त्यस्तै, श्रम संस्कृति पार्टीका दिपक तिम्सिना ७ सय ८८ मतसहित तेस्रो स्थानमा देखिएका छन् भने नेकपा एमालेका उम्मेदवार हरिबहादुर राजवंशीले ६ सय २४ मत प्राप्त गरेका छन् ।

यस क्षेत्रमा यसअघि राप्रपा र एमालेबीच चुनावी तालमेल हुने गरेको भए पनि यसपटक एमालेले छुट्टै उम्मेदवार उठाउँदा चुनावी प्रतिस्पर्धा थप रोचक बनेको छ।