दोलखा– दोलखा बिहीबार सम्पन्न भएको प्रतिनिधिसभा निर्वाचनको मतगणना कार्य अझै सुरु भएको छैन । 

शुक्रबार बिहान ११ बजे बसेको सर्वदलीय बैठकले दिउँसो ३ बजेदेखि सुरु गर्ने निर्णय गरेको जिल्ला निर्वाचन कार्यालय दोलखाले जनाएको छ ।

बिहान बसेको सर्वदलीय बैठकले गौरीशंकर बहुमुखी क्याम्पस, चरिकोटमा दिउँसो ३ बजेदेखि मतगणना सुरु गर्ने निर्णय गरेको हो ।

जिल्लामा १ लाख ७० हजार ३२१ मतदाता रहेकामा ८४ हजार ४८१ मत खसेको छ । मतदान गर्नेमा ४५ हजार ४५७ पुरुष र ३९ हजार २४ महिला रहेका छन् ।

एक निर्वाचन क्षेत्र रहेको दोलखामा नेपाली कांग्रेस, नेकपा एमाले, नेपाली कम्युनिस्ट पार्टी राष्ट्रिय स्वतन्त्र पार्टी बिच मुख्य प्रतिस्पर्धा हुने देखिएको छ। 

शान्तिपूर्ण रूपमा मत खसालेका यहाँका ८४ हजार बढी मतदाता कसले मार्ला बाजी भन्दै मतगणनाको पर्खाइमा रहेका छन् । सुवाश बस्नेत/दोलखा