काठमाडौँ – नेपाली कांग्रेसका नेता एवं पूर्वकेन्द्रीय सदस्य रामहरि खतिवडाले पार्टीको १५औँ महाधिवेशनअन्तर्गत सहमहामन्त्री पदमा उम्मेदवारी दर्ता गराएका छन् । मंगलबार राष्ट्रिय सभागृहस्थित केन्द्रीय निर्वाचन कार्यालय पुगेर उनले सहमहामन्त्रीको खुला समूहबाट मनोनयन पत्र दर्ता गराएका हुन् ।

ओखलढुंगाबाट प्रतिनिधिसभा सदस्य भइसकेका नेता खतिवडाले प्रतिनिधिसभाअन्तर्गतको राज्य व्यवस्था तथा सुशासन समितिको सभापतिको जिम्मेवारी सम्हालिसकेका छन्।

पार्टीको सांगठनिक सुदृढीकरण र युवा ऊर्जालाई नेतृत्वमा जोड्ने प्रतिबद्धतासहित उनले उम्मेदवारी दिएका हुन्। १५औँ महाधिवेशनअन्तर्गत खुला सहमहामन्त्री पदका लागि खतिवडासहित अन्य आकांक्षी नेताहरूले पनि मनोनयन दर्ता गराएका छन्।