काठमाडौँ– नेपाली कांग्रेसको १५औँ महाधिवेशनमा विशेष महाधिवेशनबाट महामन्त्री बनेका गुरु घिमिरेले पनि महामन्त्री पदमा उम्मेदवारी दर्ता गराएका छन्।
घिमिरेले मंगलबार महामन्त्री पदका लागि उम्मेदवारी दर्ता गराएका हुन्। उनीसँगै विशेष महाधिवेशनबाट महामन्त्री बनेका प्रदीप पौडेलले पनि महामन्त्री पदमा उम्मेदवारी दर्ता गराएका छन्।
कांग्रेसको १५औँ महाधिवेशनमा महामन्त्री पदका लागि १० जनाभन्दा बढी आकांक्षी देखिएका छन्। महामन्त्रीका तीन पदका लागि निर्वाचन हुँदैछ, जसमा एक पद महिला उम्मेदवारका लागि अनिवार्य गरिएको छ।
महामन्त्री पदका उम्मेदवारले उम्मेदवारी दर्ताका क्रममा ३० हजार रुपैयाँ शुल्क बुझाउनुपर्ने व्यवस्था गरिएको छ।
प्रतिक्रिया