काठमाडौँ– नेपाली कांग्रेसका नेता डा. मिनेन्द्र रिजालले १५औँ महाधिवेशनमा खुला उपसभापति पदमा उम्मेदवारी दर्ता गराएका छन्।

रिजालले मंगलबार पार्टीको केन्द्रीय निर्वाचन समितिसमक्ष खुला उपसभापतिमा उम्मेदवारी दर्ता गराएका हुन्।

कांग्रेसमा बौद्धिक नेताका रूपमा चिनिने रिजाल पूर्वसभापति शेरबहादुर देउवा नेतृत्वको कार्यकालमा पार्टीभित्र अपेक्षाकृत छायामा परेका थिए। १४औँ महाधिवेशनमा उनले महामन्त्री पदमा उम्मेदवारी दिए पनि पराजित भएका थिए।

कांग्रेसको विधानअनुसार यसपटक चार जना उपसभापति निर्वाचित हुनेछन्। चार उपसभापतिमध्ये एक महिला अनिवार्य हुने व्यवस्था छ। एक समावेशी र दुई खुला उपसभापतिका लागि निर्वाचन हुनेछ।

रिजालले खुलातर्फ उपसभापति पदमा उम्मेदवारी दिएका हुन्।