काठमाडौं– गत भदौ १० मा भोटेकोशी हुँदै त्रिशूली नदीमा आएको बाढीले धादिङ र नुवाकोटको सिमानास्थित कोल्पुखोला पुल क्षतिग्रस्त भएको छ ।  यो पुल गल्छी–त्रिशूली–मैलुङ सडकखण्डअन्तर्गत धादिङ, नुवाकोट हुँदै रसुवा जाने मुख्य सडकमा पर्छ । 

यहाँ नयाँ र पुरानो गरेर २ वटा पक्की पुल छन् । त्रिशूलीमा आएको बाढीले पुरानो पुल ढल्किएको छ । नयाँ पुलमा बाढीको छालले पुलको जिप (पुलको पिलरमाथि दुवै किनारमा बनाइएको सुरक्षा पर्खाल जसले पुलको मुख्य भागलाई दायँबायाँ चिप्लिन वा खस्न दिँदैन) र ढलान छुट्याइदिएको छ । 

बाढी प्रभावित क्षेत्रमा खाद्यान्न, राहत, औषधि ढुवानी गर्ने र स्थानीय यही जोखिमपूर्ण अवस्थामा रहेका पुलबाट आवतजावत गरिरहेका छन् । 

बाढी गएको एक महिनापछि यो पुलको मर्मत–सम्भार जारी छ ।

तस्बिर : शंकर श्रेष्ठ/नेपाल फोटो लाइब्रेरी