काठमाडौं – नेपाल सरकारले सशस्त्र प्रहरी बल (एपीएफ) का वरिष्ठ उपरीक्षक (एसएसपी)हरूको सरुवा गरेको छ ।

सशस्त्र प्रहरी बल, नेपालको प्रधान कार्यालय हलचोकले बिहीबार जारी गरेको पत्रअनुसार गृह मन्त्रालयको मन्त्रिस्तरीय निर्णयबमोजिम सशस्त्र प्रहरी सेवा, साधारण समूह, साधारण उपसमूहअन्तर्गतका वरिष्ठ उपरीक्षकहरूको सशस्त्र प्रहरी नियमावली, २०७२ को नियम ३५ को उपनियम (१) को (ख) बमोजिम विभिन्न कार्यालयमा सरुवा गरिएको हो ।

मानवस्रोत विभाग, कर्मचारी प्रशासन शाखाले राष्ट्रिय किताबखाना (प्रहरी शाखा), लैनचौरलाई सम्बोधन गर्दै सरुवा भएका अधिकृतहरूको अभिलेखमा आवश्यक विवरण अद्यावधिक गर्न अनुरोध गरेको छ ।

त्यसैगरी, सरुवासम्बन्धी विवरण सम्बन्धित कार्यालयहरूलाई समेत बोधार्थ पठाउँदै आफ्ना अभिलेख किताबमा आवश्यक विवरण जनाउन सशस्त्र प्रहरी प्रधान कार्यालयले निर्देशन दिएको छ ।