काठमाडौं– नागरिक लगानी कोषको रिक्त रहेको कार्यकारी निर्देशक पदका लागि पाँच जना सर्टलिस्टमा परेका छन् ।

अर्थ मन्त्रालयको ‘कार्यकारी निर्देशक छनौट तथा सिफारिस समिति’ले खुला प्रतिस्पर्धात्मक प्रतियोगिताद्वारा पदपूर्तिका लागि प्राप्त आवेदनहरूमध्येबाट पाँच जनालाई प्रस्तुतीकरण तथा अन्तर्वार्ताका लागि छनौट गरेको हो । 

समितिको मिति बिहीबार बसेको बैठकको निर्णयअनुसार उम्मेदवारहरूको शैक्षिक योग्यता, कार्यअनुभव र व्यावसायिक तथा वित्तीय कार्ययोजनाको मूल्याङ्कनका आधारमा यो संक्षिप्त सूची तयार पारिएको सूचनामा उल्लेख छ ।

सर्टलिस्टमा छनौट भएका उम्मेदवारहरूको व्यावसायिक कार्ययोजना प्रस्तुतीकरण तथा अन्तर्वार्ता सिंहदरबारस्थित अर्थ मन्त्रालयमा फरक फरक समयमा हुनेगरी समितिले बोलाएको छ ।

सर्टलिस्टमा अर्जुनकुमार गौतम, गोपाल घिमिरे, पर्वत कुमार कार्की, यज्ञ प्रकाश न्यौपाने र समता पन्त भट्ट रहेका छन् ।